面書將推出最新功能「城市導遊」 由用戶提供資訊

面書已經成為人們日常不可或缺嘅工具及娛樂,來自世界各地嘅人都使用,擁有龐大嘅Database用戶群。而面書有見及此,原來已經靜雞雞諗住貪其之便,推出名為「City Guides」 嘅新功能喎。據講City Guides將會搜查各用戶於該城市嘅旅遊資訊及圖片,然後成為一個城市嘅導覽,即係一本網上嘅旅遊書,不過作者就係各位用戶喇。而導覽主要分兩部分,一部分係由曾經到訪過嘅遊人去寫,即係類似現有打咭功能,大家可以見到朋友曾經「到訪」過該地,然後佢哋喺當地嘅旅遊資訊就會成為其中嘅資料;而另外一部分就係當地人提供嘅地膽教路,住喺該城市嘅面書用戶,可以直撰寫心得同貼士,教導旅客最新最地道嘅玩法。除咗一般介紹,仲包括酒店推介、活動日曆等等,睇嚟非常全面。目前功能已經試運中,預計今年內會正式推出;睇嚟威力無遠弗屆嘅面書將會喺旅遊業中大展拳腳,大家日後就更加離唔開面書喇!

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

介面就好似一本網上嘅《Lonely Planet》一樣。

各個城市入面都見到自己朋友有邊個曾經到訪該地。

仲可以睇到該城市嚟緊嘅節日及活動。

相關文章:

5件男人永遠唔明嘅旅行事

狼人Hugh Jackman最愛台灣 偷去夜市食臭豆腐?

二百萬天價炸玉米餅 邊個食得起?