颱風「羅莎」將吹襲日本 四個實用平台應對日本天災

去旅行最忌有意外發生,一有事嚟,真係唔知點算,特別係去日本,較易遇到地震、海嘯等天災,總是令人措手不及。就好似超大型颱風「羅莎」即將14至15日吹襲日本,將影響日本多區,包括九州、關西及四國。據悉,颱風威力強、規模大,可引發洪水和山泥傾㵼等自然災害。如果咁啱係日本又或即將出發的旅客,不妨留意呢4個災害通報軟件或網頁,教導遊客應對突發情況,確保大家安全。

1.Safety tips
為日本政府觀光局所提供的服務,佢介面方便,圖文並茂,同時又有繁體中文、韓文、英文、簡體中文語言服務,教大家點樣應對5大災害項目,包括地震、海嘯、火山噴發等,唔識日文的朋友都冇有怕!而且,佢仲有災害應急卡,在災害發生嘅時候,詢問現在位置安全性、疏散後、醫療處理等各項目。

2.Yahoo! Japan
如果你識少少日文,呢個網站就啱晒你。當中的功能選單,仲可以俾你快速檢視已登陸地區嘅天氣狀況,地震、雨雲動態都一目瞭然!方便旅客萬一有咩事,都可以轉Plan B ,唔洗浪費行程。

3.Terko.JP APP
日本人常用的氣象查詢網站Tenki.jP APP的資訊實用,網站仲夾雜左啲漢字,遊客都可以輕易上手。地震、降雨量以及氣象衛星雲圖等資訊仲可以即時更新觀看,非常專業。如果你要去日本賞櫻花,這個APP都可以預計開花日期、花滿開日期,咁就唔洗驚去到印唔到靚相。

4.航班資訊平台 Flightradar24
這個就唔係一個天氣查詢網站,而係實時的航班追蹤器。天氣唔穩定經常有飛機延誤。宜家,遊客只需點擊按鈕,就可以知道晒航班嘅詳情,包括飛行軌跡、速度及航班狀態,仲可以知道落機機場嘅天氣情況。