鳥取全和牛便當 每個要兩萬蚊 成全球最貴

日本人鍾意食便當,而且用料豐富,有時其實並不失禮,甚至媲美正式餐飲。不過講起最正便當,一定要講到鳥取縣推出被選為「全球最貴便當」!呢個鳥取全和牛便當,係用咗鳥取出產和牛10個部位造成,而全部和牛肉總共重達4.5公斤!成個和牛便當都係牛嘅形狀,而且唔單止和牛矜貴,連入面用嘅米飯嘅都係鳥取著名嘅「絹娘米」,呢個豪華便當,每個索取29萬2,929日圓(約2萬港幣),「29」 正係日文發音「肉」咁解。由於用料矜貴,去年11月鳥取只係整咗3個送咗去東京一個宣傳鳥取旅遊嘅活動到賣;短短一日即刻賣完。呢個便當隨即得到健力氏記錄大全「最貴便當」,鳥取決定會繼續炮製呢個豪華便當!大家可能比較少聽鳥取縣,呢個縣係日本最少人住嘅縣,不過當中出產嘅鳥取和牛經常獲得大獎,難怪貴得嚟都即刻搶晒啦!

呢個鳥取和牛便當每個索價2萬港幣。

鳥取和牛係日本頂尖和牛;獲獎無數。

鳥取係日本眾多縣中最少人嘅地方,景點最多人知係「鳥取沙丘」。

相關文章:

10款紓緩濕疹湯水 不再出粒粒、皮膚痕癢

請小心選擇:旅伴

菜鳥差點爬不上去:南台灣第一高山 北大武山

【立即讚好】

全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!