點樣可以免費「濫用」機場貴賓室?

港人搭飛機多個搭的士,時不時都要會去旅行,雖然手持的廉航機票,但機場貴賓室也可隨時出入,點解?因為世上有樣野叫「信用卡」。而家唔少信用卡都以「免費進入機場貴賓室」作招徠,只要申請到,唔好話入去沖涼,齋入去拎支水都抵呀。但正正因為人人都有的關係,所謂機場貴賓室早已平民化,無時無刻都有人龍。

最近就有網民係網上投訴,話自己飛往首爾前諗住去貴賓室沖涼,點知貴賓室大排長龍,佢竟然大條道理出Post叫大家唔好濫用貴賓室,重話:「假若佢哋(旅客)飛長途前或者轉機時想休息或者沖涼,要排成個鐘先入到lounge,我諗我係旅客都唔會再嚟香港!」網民見字即刻指事主自私,重話佢「自己用就唔係濫用」、「你自己都唔係長途客,沖涼返屋企沖啦」之類,聽到網民們火都嚟埋,究竟點樣可以免費「濫用」機場貴賓室?以下四招參考下啦!

申請相關信用卡

坊間好多信用卡都可以免費進入各大貴賓室,好似美國運通國泰航空信用卡、Citi PremierMiles信用卡、HSBC銀聯雙幣鑽石信用卡等,但留意返有D有限次數,有D只限卡主免費,同行朋友就要比錢啦!

狂Join航空公司會籍

狂申請不同航空公司會籍,然後利用儲分方式升級,便可以免費進入貴賓室。以國泰為例,銀卡以上便可免費使用。

哩數兌換

如果大家長途機的話,不得不去貴賓室沖個涼,可以事先以哩數兌換貴賓室入場券。

乾脆買商務或頭等

最簡單直接方法係坐商務或頭等,便會得到機場貴賓室入場券。

相片來源:Priority Pass @facebook