龐貝古城最新出土 二千年前畫作仍是彩色

龐貝古城係意大利一個著名景點,為公元79年火山爆發,一夜滅絕嘅古城遺址,當中一切都好似塵封於火山爆發前一刻。目前去龐貝可以睇到好多損毀嘅建築之外,仲有唔少死難者遺體化石。由於火山灰及溶岩將一切都活埋地底之下,反而令唔少古蹟可以封存。好似近有考古人員喺龐貝進行發掘工作時,就搵到一間巨大豪宅,並於豪宅嘅浴室之中,搵到原本掛喺牆上嘅畫作。呢幅畫作出土時顏料竟然未剝落,仲幾乎係全彩色。主題係描述希臘神話「Leda and the swan」(麗達與天鵝)。傳說之中,天神宙斯愛上斯巴達王妃麗達,並化身天鵝下凡同麗達作天人交歡。呢副畫作中麗達半裸嘅身軀上就坐有宙斯化身嘅天鵝。當年龐貝人由於經濟發達,行為荒誕淫亂,呢幅咁大膽露骨嘅畫作正好証實當時嘅情況。據當局話,畫作要再經修復,之後有機會放於龐貝考古公園中展出呢。

近日掘出地底一間豪宅,浴室上有呢幅畫作。

當中嘅顏料都得以保存,非常清楚。

龐貝嘅火山灰及溶岩令當地保留於火山爆發時嘅一刻。

相關文章:

日本寺廟加燈球!晚上搖身一變成舞廳

在巴黎被騷擾的SOP

南韓平均13人死於酒精 韓國飲酒文化你要知

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!