5大最索空姐制服 你最Buy邊套?

最近金仔統領嘅強國又有新攪作, 就係高麗航空公司一改咗傳統嘅大紅色空姐制服,採用咗新式嘅深藍色修身剪裁,加上收腰貼身短裙,配襯返一班國寶級空姐白淨嘅肌膚,得到一眾網民力撐,大讚係史上最成功嘅製服改革之一。其實空中服務人員入面,空姐一向被譽為富有吸引力嘅職業,加上空姐一向樣子標緻舉止得體,每次搭飛機相信大家都會忍唔住望兩眼。根據網上嘅非正式統計,以下五間航空公司就被認為係最靚空姐嘅代表,大家又有同唔同意呢?

1. AirAsia

因為呢幾年廉航代表嘅Air Asia 來自馬來西亞,作為亞太區加上熱帶國家,大部份嘅空姐都有一身陽光嘅健康膚色,而且態度好客又熱情,加上紅色貼身短裙配上半透明嘅黑色絲襪,自然有種風情萬種嘅感覺,令人自然對旅程更加有所期待。

相片來源:upularous@tumblr

2. Qantas 澳洲航空

有搭過澳航嘅朋友,相信都一定對佢哋搶眼嘅制服記憶猶新,修身嘅深藍色及膝裙配上鮮艷嘅紅色系作為點綴,有種高貴得來又貼地嘅感覺,俾人感覺爽朗得來又有氣質,同亞洲地區嘅航空好唔同。

3. ANA 全日空航空

作為最受香港人歡迎嘅旅遊國家第一位嘅日本,點少得來自日本嘅ANA呢?淺藍色係恤衫配上淺灰色及膝半截裙,雖然長度上相比其他航空公司來講比較長,但就多咗種溫婉嘅感覺,加上日本妹普遍膚色比較白,完全係perfect match 。

相片來源:ANA.Japan @facebook

4. Air France 法國航空

法國人面孔係歐洲國家入邊本身��出名精緻,而法航空制服嘅剪裁亦都充分運用佢哋骨架比亞洲人高挑修長嘅優勢,黑色連身裙制服設計簡約,配以搶眼嘅紅色腰帶,輕易襯岀時尚嘅感覺。

相片來源:Air France  @facebook

5. Korean Airline 大韓航空

近年泡菜風興盛,自然多咗人去韓國,你大韓航空嘅空姐亦都得到唔錯嘅評價,大汗航空空姐嘅制服本身採用左天藍色為主色,感覺比較可愛同溫柔,加上空姐們本身都以淡妝為主,既然俾人平易近人嘅感覺。

相片來源:Korean Air @facebook