5大現實電影場景 你知幾多?

鍾意睇電影嘅朋友, 唔多唔少都會被電影嘅場景吸引,可能係哈利波特生活同成長嘅霍格華滋學校,又或者係哈比人嘅村莊, 阿凡達嘅潘朵拉星等等。雖然拍電影嘅方法層出不窮,科技嘅進步亦都令到CG特技越嚟越普及,所以如果係真實嘅電影場景就買少見少,不過其實好多電影場景都會喺實景取景,今日就等我小編同大家推介五大必到電影拍攝場地。

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

1. 英國:哈利波特霍格華茲學院

作為90後成長嘅集體回憶,又點少得作為哈利波特七部曲攝主場景嘅霍格華滋魔法學院呢?係間咁靚又咁有特色嘅地方都學魔法相信係好多人夢寐以求嘅事,其實電影係喺英國多間古堡同教堂都分別取景拍攝,合埋先係我哋喺銀幕上見到嘅霍格華滋,當中包括阿尼克城堡、達拉謨座堂、格洛斯特座堂等。

2. 紐西蘭:哈比人村

作為電影《哈比人》同《魔戒》系列嘅忠實粉絲,相信你一定知道紐西蘭嘅哈比人村就係電影嘅拍攝地,唔單止咁,呢度仲係導演彼得積遜嘅成長地,而佢係訪問中都曾經提過呢度係比佢靈感去拍攝呢兩個經典系列嘅一個重要元素。

3. 中國張家界:阿凡達

呢套電影可以話係2000年後嘅突破之作,電影透過3D技術將潘朵拉星疑幻似真嘅場景呈現係觀眾眼前,而張家界就係潘朵拉大部份嘅構思來源。

4. 匈牙利:布達佩斯大酒店

有睇過呢套戲嘅朋友一定會比入面強烈嘅美術風格所吸引,好多粉絲都希望可以一睹呢間大酒店嘅風采,不過其實布達佩斯並無呢一間酒店存在嘅之,電影嘅拍攝完全係靠模型借位同搭景拍攝,不過大家亦都唔需要傷心,因為布達佩斯呢個地方本身就有好多外型十分相似嘅建築物,包保去到一定唔會失望。

5.俄勒岡州:閃靈

作為經典懸疑驚慄電影嘅閃靈,聽到個音樂都令人驚一驚,好多人都以為成套電影都係喺廠景拍攝,不過原來呢間酒店嘅真身係存在係俄勒岡州,你又敢唔敢去住返晚呢?

burn-the-vvitch @tumblr

相信好多人都曾經幻想過自己可以係一間好似霍格華滋咁嘅學校到讀書。

lloydchilcott@tumblr

好多電影場景都會因為電影嘅成功而成為熱門旅遊景點。

distractful@tumblr

粉紅色,粉紅色啊,可惜布達佩斯大酒店唔係真實存在。

相關文章

點解飛機餐咁難食? 4大飛行迷思 逐個話你知

5招教你做旅遊 達人

旅行最驚會發生嘅10件事