76歲日本伯伯以帆船環繞地球一周 全程不靠岸

日本嘅老人問題好嚴重,老人嘅人口比例急劇上升,不過不得不承認日本嘅老人真係老當益壯,比好多年輕人都唔輸蝕,70幾80歲上山下海嘅大有人在。最近更創下世界紀綠,最大年紀以帆船環球者:立尾征男。立尾先生現年76歲,去年7月5日於東京小笠原嘅父島出發,以單人帆船向西航行,全程不靠岸,即係唔會接觸陸地之下,用咗13個月時間,成功環繞地球航行一周,重返出發地!立尾先生健康仍然非常良好,只係嚇到燶咗少少,但精神極佳!今次其實已經係佢第二次完成壯舉,早喺佢55歲之時已經成功過一次,可謂經驗老到。今次一個人嘅航程面對種種危險,例如喺所羅門群島畀一班鯊魚群撞壞尾板,非常驚險。立尾先生雖然係航海專家,但其實佢退休前正職係做金屬加工嘅工人,真係估佢唔到! 今次壯舉佢準備咗4年時間,計算航道及估計風向,並用咗800萬日㘣。如此為夢想挑戰自己嘅老人,仲喺年輕嘅你,仲有咩理由唔去追夢呀?

立尾征男呢13個月嘅航程就係依靠佢呢隻帆船。

立尾先生表示最驚險係途中遇上鯊魚群!

立尾先生成功歸航,連當地鎮長都要出去迎接。

相關文章:

歐洲小偷「伸手黨」| 踢爆巴士盜竊手法 專挑華人下手

【有片】網民拍到軍事機密!台場1比1獨角獸高達可變型!

4招教你去日本旅行點先唔似旅客

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!