Kakao Friends大熱 江南開埋Café專門店!

韓國通訊軟件LINE Friends嘅Brown同Cony紅遍亞洲,不過要數到近期急起直追嘅就一定要講到另一通訊軟件Kakao旗下嘅一眾卡通人物Kakao Friends!相信大家喺香港都見到唔少地方有賣佢哋嘅精品公仔,甚至同唔少品牌都有聯乘活動,氣勢一時無兩;而同時喺韓國,人氣更加係比起LINE有過之而無不及。日前於江南嘅Kakao Store嘅三樓,仲新開一間Café!

店內除咗大量Kakao角色造型嘅麵包之外,仲有好多不同種類的小食,當然有咖啡等飲品,而且購買仲送埋隻Ryan玻璃杯!店內已經講明就快會推出Ryan漢堡包。大家去朝聖之前先幫大家補下習,Kakao Friends之中嘅主角Ryan,並唔係熊人,而係一隻無毛嘅雄獅;至於Muzi唔係兔,係一隻蘿蔔,唔好搞錯喇!

Ryan唔係熊人,係一隻無毛嘅雄獅呀。

Kakao Store位於江南,有三層高。

將來會推出Ryan漢堡,又靚又好味!

相關文章:

退役飛機何去何從?零件最常被重用的6大用途

西澳省北部最大島嶼展開20年保育計劃 全球生態保育項目你要知

還沒去過快去朝聖!濱江飛機巷未來恐拆遷


【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!