LEGO迷朝聖新景點 丹麥13萬呎LEGO大宅

Lego作為擁有老中青粉絲嘅經典玩具, 一直以來係全球各地都設有好多唔同嘅景點俾粉絲們去朝聖,最近Lego粉絲們又有喜訊啦,就係喺丹麥嘅比隆開設咗Lego嘅旗艦店,睇嚟好快又會引來新一波嘅朝聖熱潮。

呢間Lego嘅旗艦店用咗七年時間去興建,呢幢130,000平方英尺嘅建築物由21塊白磚堆疊而成,外面被Lego造型嘅瓷磚覆蓋,令建築外部睇落去好似成座都係由Lego砌成咁樣。

話明係旗艦店內部梗係唔嘢少啦,除咗有數以百萬計嘅LEGO,仲有唔同主題嘅園區,其中包括巨型樹木同恐龍。內部共有四個遊樂區,三間餐廳同一個裝滿LEGO嘅紀念品商店,經過咗長年嘅規劃同諮詢,呢間旗艦店總算完成興建。而係9月28日就邀請咗丹麥皇室、著名建築師建築師Bjarke Ingels同LEGO第三代負責人Kjeld Kirk Kristiansen參加盛大嘅慶祝開幕酒會,相信呢個景點亦將會成為丹麥具代表性嘅地標,嚟緊會去丹麥旅行嘅朋友記得唔好錯過。

呢間旗艦店單體外型都夠晒誠意。

Lego樹平時就砌得多,爬你又試過未。

無論大人細路,總有一樣野啱你。

相關文章

去旅行的幸福事 莫過於有一個志趣相投的酒友

去完旅行變得面阻阻? 一班朋友旅行的嗌交危機

去旅行時發現自己有呢5點 證明你擁有真正快樂人生

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!