• 咖啡唔可以拎走 墨爾本咖啡店堅持只供店內慢慢嘆
    旅遊
    Yahoo Travel HK6 個月前

    咖啡唔可以拎走 墨爾本咖啡店堅持只供店內慢慢嘆

    城市入面愈嚟愈多人喜歡飲咖啡,而且已經成為一種文化,不過喺忙碌嘅大城市之中,幾乎9成人幫襯咖啡店都係拎走,一邊行一邊飲,或者拎返公司一路做嘢一路飲,真正可以坐低喺咖啡店細味品嚐嘅,又有幾人呢?澳洲墨爾本一間名為Napier Quarter嘅咖啡店就非常有骨氣,事關佢哋老闆Daniel Lewis發覺太多人都係外賣咖啡拎走,失去坐低飲咖啡慢活嘅原意,決定唔再供應外賣咖啡,所有人買咖啡必須於餐廳內飲。Lewis好直接話少咗外賣咖啡令佢哋每星期少咗成2,500澳元(約港幣14,000),但為咗令大家重拾飲咖啡嘅樂趣,佢都唔介意賺少啲,況且同時可以減少外賣嘅用具,有環保作用。Napier Quarter此舉開始慢慢被墨爾本嘅人所推崇,生意反而開始增長,大家都放低來去匆匆嘅外賣咖啡,寧願早少少起身,飲埋杯咖啡先返工!

  • 很抱歉,對於這個主題,我們只找到這些結果。