• 倫敦公園超靚「摺紙船」佈置 倒影似星星夜晚發光
    Style
    GameoverHK5 個月前

    倫敦公園超靚「摺紙船」佈置 倒影似星星夜晚發光

    日本人好重視摺紙藝術,外國就有人將摺紙以另一種創意嘅手法發揚光大。有日本網民喺英國嘅公園Kew Gardens發現呢個佈置,整條河放滿紙船做裝飾,配合埋水嘅倒影,就好似河這滿佈星星咁,超靚!身為日本人嘅佢話睇到好感動,仲讚設計者係天才,而喺11月22日開始,夜晚啲紙船仲會發光!呢段時間去開倫敦嘅記住去睇吓嘞。 キュー植物園にて。折り紙の船を湖に浮かべて水面の反射で星型に見えるという、クリスマスのデコレーションなんだそう。イギリス人天才かよ。これ本当に感動した。その発想はなかったわ、こんな風に折り紙を使ってくれて日本人として超嬉しいわ、ありがとう(大泣き) pic.twitter.com/FgyZRiZIKX — カミキリムシあんな (@_annapurna_) November 11, 2018   想即時睇到更多日本文化、ACG、網絡最新資訊,請即加入facebook! https://www.facebook.com/GameoverHK

  • 英國薯片用不能回收塑袋 民眾抗議反玩殘郵局?
    旅遊
    Yahoo Travel HK5 個月前

    英國薯片用不能回收塑袋 民眾抗議反玩殘郵局?

    英國近月就出現一個環保運動,有組織批評英國Walkers薯片多年嚟都以不能分解嘅膠袋做包裝,於是發起「#packetinwalkers」活動,即係叫民眾直接張食完薯片嘅空袋放入郵筒,等於寄返畀製造商Walkers Crisps。不過成件事唔單止攻擊唔到Walkers,只係玩殘郵政人員,郵政局並公開呼籲大家唔好再投薯片袋落郵筒。英國一年會食60億包薯片,其中Walkers一日就會生產1,100萬包薯片,全由無法分解膠袋包裝。Walkers話已經進行改革之中,希望2025之前可以變成用無塑包裝呢!

  • $999飛兩次倫敦 留學生放暑假都啱用
    旅遊
    Yahoo Travel HK6 個月前

    $999飛兩次倫敦 留學生放暑假都啱用

    以前去倫敦留學係有錢人嘅專利,隨著飛倫敦機票愈來愈平,去英倫留學不再係遙不可及嘅事。最新數據顯示,香港學生赴英升學人數有上升趨勢,單單係2017年第一至三季,就有8,794人獲發英國學生簽證,較2016年同期上升百分之3.7。 事實上,近年飛倫敦個價錢分分鐘同飛東南亞國家差唔多,好似中國旅行社最近推出$999兩套深圳至倫敦直航來回機票,坐深圳航空,每程包行李1件23公斤,連埋稅項$3011,每套機票除返開只係$3500左右,重要包埋兩套香港至深圳機場來回直通巴士票,真係送佛送到西。 更值得留意嘅係,兩套機票必須係同一位乘客使用,第一套機票必須係2019年6月10日或以前出發,第二套機票必須係2019年10月26日或以前出發及回程,當中全年大部分日子適用,暑假都用得,留學生放暑假返港都唔洗捱貴機票,飛多幾轉都唔怕肉赤

  • 倫敦監倉主題酒吧 入場先要換囚衣?
    旅遊
    Yahoo Travel HK6 個月前

    倫敦監倉主題酒吧 入場先要換囚衣?

    英國人好鍾意去酒吧飲酒,對於佢哋嚟講真係咩酒吧未去過先?所以為咗新意,酒吧真係各出其謀,好似呢間位於東區Brick Lane嘅監獄酒吧Alcotraz就非常破格,所有顧客一入場就要換囚衣,然後所有服務員穿著獄警衫,「押送」顧客去吧枱。整間酒吧佈置一座監獄,有眾多囚倉,於鐵欄之內,而且顧客無得揀飲乜,等同坐監無得揀食乜一樣,每晚由獄長提供特色Cocktail。而且係顧客享用嘅過程之中,「獄警」會來回走動,並且主動去騷騷客人,例如用警棍拍打監倉、大聲呼喝等。根據老闆Sam Shearman所講,呢個構思係因為自己係監獄電視劇《Orange in the New Black》嘅Fans,所以有此啟發。開業之後,顧客眾多,而且唔少本身係高級專業人士,特登嚟感受下牢獄生活,真係不得不講大家心中都有股「被虐癮」喎;但同時亦遭受唔少社區團體責難,覺得係將監獄美化,間接令坐監呢件事變得合理平常喎。