• 世上最刺激酒店 崖上的太空艙
    Travel
    Yahoo Travel HK4 個月前

    世上最刺激酒店 崖上的太空艙

    世界各式各樣危險,總有人鍾意挑戰。好似攀山運動就係其中一項,好多人熱愛攀山、攀岩,走到山上崖邊尋求刺激,或者今日介紹呢間酒店就最適合佢哋喇!呢間位秘魯嘅「酒店」,其實就係百米高懸崖旁邊嘅3個太空艙!太空艙由堅硬索帶綁於崖邊,而太空艙由6塊大玻璃合成,可以話360度透視風景!當然安全係一大考慮,酒店方面用上攀岩運動員常用嘅休息方式,將設備用於酒店之上,所有索帶堅硬非常,而且絕不受任何惡劣天氣影嚮;住客要入住都唔容易,首先要走上幾百米高嘅山頂,再從崖邊一步步行近太空艙,然後入住,當然太空艙亦有洗手間,大家無須出出入入,但食物要自行㩗帶呢。一到夜晚,住客可以瞓喺床上,向上抬頭一望就係無盡夜空,非常浪漫;最後離開時,更係要動用Zipline飛走!總括而言,呢間咁獨特嘅酒店,就係唔歡迎畏高之人!每晚要$2,500港幣,唔怕高又愛挑戰自己,可以話絕佳體驗!

  • 很抱歉,對於這個主題,我們只找到這些結果。